2017-2018 оқу жылында С. Аманжолов атындағы ШҚМУ қосымша академиялық кезең аясында 25 магистр білім алды.

Жоғары оқу орнынан кейінгі білім берудің мемлекеттік жалпыға міндетті стандартына сәйкес бейіндік магистратураны бітірген магистр, педагогикалық іс-тәжірибені өту және педагогикалық бейіндегі пәндер циклін меңгеру жағдайында ғана ғылыми және педагогикалық қызметпен айналысуына болады.

 Аталған цикл және педагогикалық іс-тәжірибе қосымша академиялық кезеңде меңгеріледі және аяқтаған соң негізгі дипломға белгіленген үлгідегі тиісті куәлік қоса беріледі.

Оқу сабақтарын университеттің жетекші оқытушылары жүргізді: т.ғ.д. Жанбосинова А.С., п.ғ.д. Завалко Н.А., ф.ғ.д. Картаева А.М., филос.ғ.к. Сейтембетов Е.Ж., п.ғ.к. Радченко Н.Н., т.ғ.к. Жантасова Ж.З., з.ғ.к. Сабитова А.А., э.ғ.к. Ситникова Е.С., п.ғ.к. Шаихова Б.К., т.ғ.к. Идришева Ж.К., т.ғ.к. Мадияров М.Н., э.ғ.к. Апышева А.А.

2017 жылдың 29 желтоқсанында бейіндік бағыттағы магистратура түлектеріне қосымша академиялық кезеңді бітіру жөніндегі куәліктер табыс етілді. Куәліктерді табыстау рәсіміне жоғары оқу орнынан кейінгі білім беру бөлімі бастығының міндетін атқарушы Б.З.Медеубаева, жоғары оқу орнынан кейінгі білім беру бөлімінің әдіскері А.Қ.Жунусова, жоғары оқу орнынан кейінгі білім беру бөлімінің маманы М.А.Сатбаева қатысты. Магистранттарға жақсы тілектер айтылды.

Сөз соңында түлектер курстың ұйымдастырылуына, педагогикалық және ғылыми қызметпен айналысуға берілген мүмкіндік үшін университет басшылығына, профессорлық-оқытушылық құрамға алғыстарын білдірді.

Жоғары оқу орнынан кейінгі білім беру бөлімі