Құрметті соғыс және тыл ардагерлері, әріптестер, студенттер!

Баршаңызды Ұлы Отан соғысына 75 жыл толу мерейтойымен құттықтаймын!

Бұл мереке – жанқияр ерліктің, еңселі елдіктің рухы өрлеп, Жеңіс жалауы желбіреген күн. Тәуелсіздік тұғырының берік, еңсеміздің биік болуы да, еліміздің өсіп, өркендеуі – осынау мерекенің жемісі. Бүгінгі ұрпақ Отан үшін от кешкен ардагерлер танытқан қаһармандық пен қайсарлықтан үлгі алып, бой түзейді. Осынау ерлікке толы Күн тарихымыздың мәңгілік ұмытылмас парағы болып қала бермек.

Құрметті ерлер қауымы!

Сіздерді Отан қорғаушылар күнімен құттықтаймыз!

1992 жылдың 7 мамырында ҚР Президенті бұйрығымен Ұлттық Әскери күштері құрылды. Осы дата еліміздегі маңызды мемлекеттік мейрам тарихының бастауы болды.

Университетімізде Отан қорғаушыларды дайындайтын екі кафедра бар. Кәсіби әскерилер, офицерлер мен алғашқы әскери дайындық оқытушыларын Қабанбай батыр атындағы әскери кафедра мен АӘД кафедрасы даярлайды.

Дегенмен, 7 мамыр тек елімізді қорғаушы әскерилердің ғана емес, бүкіл халықтың мейрамы.

Құрметті әріптестер, студенттер, ардагерлер!

Сіздерді 1-мамыр –Қазақстан​ халқының​ бірлігі күнімен құттықтаймын!

1-мамыр – еліміздегі маңызды мереке. 1-мамыр біздің көпұлтты республикамыз үшін, күнделікті еңбегімен елдің және өз отбасының өркендеуі мен әл-ауқатының артуына үлес қосып жүрген барлық азаматтар үшін достық пен келісімнің жарқын мейрамына айналды.

Бірлік күні – бұл көктемнің жаңаруы мен жарқын үміттің, бейбітшілік пен жасампаздықтың, ізгілік пен әділеттіліктің нышаны!

Құрметті ханымдар, халықаралық әйелдер күнімен шын жүректен құттықтаймын!

Халықаралық әйелдер күнімен шын жүректен құттықтаймын! 

Ынтымақ пен татулықтың, сұлулық пен әсемдіктің нышаны болған! 8 наурыз ананың аялы алақанындай әр жүрекке жылулық ұялатады.

Осынау күлімдеген көктемнің арайлы мерекесі сіздерге зор денсаулық, құт пен бақыт, береке мен бірлік, жаңа белестер мен жеңістер алып келсін деген жүрекжарды лебізімді білдіремін!

Әр таңдарыңыз арайлап атып, әр күндеріңіз нұрға толсын!

Құрметті студенттер, әріптестер, ардагерлер!

Сіздерді Жаңа 2020 жылмен құттықтаймын!

Жаңа жыл қуанышты оқиғалар мен шаттықты шақтарға толы болып, тек қана жақсылықтар алып келсін, барша арман-тілектеріңіз орындалсын!

Шығармашылықта, оқуда және еңбекте жаңа жетістіктерге жете беріңіздер, барлық істеріңіз нәтижелі, өнімді әрі пайдалы болсын!

Баршаларыңызға мықты денсаулық пен баянды бақыт, ізгілік пен татулық, төзімділік пен тыныштық, құт-береке пен тұрақтылық, сондай-ақ көтеріңкі көңіл күй тілеймін!